Өвснүүд шөнөжин архидаж хоноод
Өглөө нь шараа тайлмагц дахин үргэлжлүүлж
Өдөржин уугаад, үдэш нь төрсөн өдрөө тэмдэглэж
Төд удалгүй хоорондоо зодолдож эхэлмэгц
Уурандаа тэднийг цагдаа дуудаж өгчхөөд
Унтахаар хэвтэхэд нойр хүрэхгүй,
Шөнөжин хар дарж согтуу өвснүүд зүүдлэгдээд
Хашхирсаар сэрэхэд, суллагдсан өвснүүд
Дахин ямар нэгэн баяр тэмдэглэж, намайг зүхэн
Хундага харшуулж байхыг сонсоод
Хавар болсныг ойлгов.
Уйлах хэцүү, инээх хэцүү
