Ахиж чи бидэн уулзсангүй
Аравдугаар сар, хүйтэн гар
Эртнээс зэхсэн гашуун үг
Эргэн санахул чичирсэн хоолой
Дахиж уулзахгүйгээ тэгэхэд мэдсэн үү
Даанч гунигтай аравдугаар сар
Хэнд нь ч зохиогүй бардам зан
Хэзээ ч мартамгүй хүйтэн инээмсэглэл
Нөмөрсөн алчуурын дороо нуугдсан
Даарсан гарыг чи атгаж болох л байсан
Өмөрсөн зүрхний чинь буланд нуугдан
Хярсан үгийг би хэлж болох л байсан
Аравдугаар сар хүйтэн гар...
Хүнийрхүү учралын хүйтэн долгионд
Хүсэж санаснаа нуусан харц
Гуньж уддаггүй ертөнцийн салхинд
Хийсэж одсон анхны хайр
